陳星妤獻熒幕初吻尷尬
前晚播出的無線劇集《一舞傾城》中，劇情講“萬國城最後一位處女” KK（陳星妤飾）獻出初夜，而 Marco（關楚耀飾）向 KK 承諾會跟太太離婚，並愛她一生一世。
首次拍劇的陳星妤談到這場戲時，坦言拍攝之前都曾擔心演得不好：“我驚個感覺出嚟唔夠愛，好彩最終出嚟嘅感覺都OK。”她亦透露這場戲是她的“熒幕初吻”：“拍攝前關楚耀都有叫我自然啲、放鬆啲，同埋導演都有指示我點樣去做。當然，首次拍錫嘴戲，係比較尷尬，今次都係一個難忘嘅經驗，當畀自己壯吓膽，希望以後可以更加駕輕就熟啦。”
另外，前晚另一焦點落在趙碩之(Wylie)飾演的媚媚身上。單親媽媽媚媚因舞小姐身份曝光，令兒子在學校被同學欺凌，媚媚帶兒子到學校投訴，豈料校方為保聲譽反過來勸她為兒子轉校，令媚媚情緒失控怒吼，她演出得十分投入，獲不少網友大讚好演技。Wylie 受訪時坦言好開心拍攝時發揮得好好，多謝大家的鼓勵。