梁小冰爆老公冧妻語錄
相隔廿六年再拍TVB劇集的梁小冰，前晚在《逆天奇案 2》與老公陳嘉輝夫妻檔上陣，這亦是二人相隔廿三年再合作，第四度飾演一對愛侶！
談到與老公嘉輝哥再度合作，小冰笑言兩人默契依舊，並笑言全靠有嘉輝哥做拍檔：“我哋會喺屋企對好晒啲對白，但唔會排戲，因為到現場演出時，先會擦出火花。”小冰笑謂與嘉輝哥合作過的女演員都有讚冇彈：“好似鍾嘉欣、蘇玉華、陳瀅、蔣家旻佢哋見到我，都會話：‘你老公好正，真係一個好好嘅對手！’”
小冰受訪時開心分享嘉輝哥每日“冧妻語錄”：“老公好玩得，每日起身都會話：你好靚喎，結婚二十幾年都係咁，講嘢好甜，就算我捲到啲頭髮好似包租婆咁，佢都話：點解可以咁靚！”
小冰坦言與老公亦有鬧交的時候， 但嘉輝哥僅以一招便能成功收服她，小冰透露：“我性格係一有問題就會講晒出嚟，佢就叫我慢慢講、唔好嬲，同埋叫我可以選擇用另一種方式表達。我哋結婚多年，現在已經無聲勝有聲了，哈哈！”