English 香港站
職位類型:
  


李佳芯唔心急約會
        來源: 澳門日報          發佈時間:2021-11-29          流覽次數:237
分享到:

李佳芯唔心急約會



李佳芯近期緋聞一單接一單


李幸倪的手被貓咬了十個窿


栢天男、羅天宇、李幸倪及王幼倫等出席慈善毛孩活動。 (Tungstar)


靚湯風騷談戀情

    自詡好嘢自然受歡迎

    李佳芯唔心急約會

    李佳芯(Ali)、湯洛雯(靚湯)、李幸倪(Gin Lee)、羅天宇、栢天男、吳肇軒及王幼倫等前晚出席慈善毛孩活動。

    李佳芯在工作中度過三十九歲生日,當晚穿上閃片露腰裝出席慈善活動。日前Ali公開呼籲有誠意的男仔放膽追求,問她呼籲後可有人約她?她說:“都冇人約,唔好亂寫呀!其實一直有人約食飯,不過係女性朋友。(聖誕有冇人約?)我連後日使唔使開工都未知,我係好即興嘅人,約到就約。”她又叫大家不用太擔心她嫁唔出,笑說:“我阿媽都未擔心,好嘢唔使擔心!我悶得又等得,唔心急約會,多謝大家關心。”

    靚湯之前大呻男友馬國明冇時間陪她,但就被發現二人拍拖去睇胡鴻鈞演唱會。她謂男友也是收工後趕去睇騷,因為她之後就要拍新劇《隱門》。靚湯說;“我覺得一對情侶唔使日日見面,都可有方法維繫感情,最重要是互相了解,男友亦好有交帶。”

    與馬明感情穩定的靚湯,更多次傳出婚訊,問到婚期到底是甚麼時候?她帶笑說:“總之今年唔會,亦冇發生過求婚的事。會唔會結婚我都唔知,雖然我哋朝呢個方向發展。”她不諱言若到了適合時間,也不介意主動求婚:“但目前想在事業上衝刺及儲錢,除非想生小朋友、組織家庭才會結婚。”

    Gin透露本身領養了兩隻貓:“其中一隻於去年過身,現在所有愛給予剩下的一隻貓,暫時未有打算再領養。”但見Gin左手貼了多塊膠布,她表示前一日為活動拍攝宣傳照時,因為手抱的貓咪看到有其他狗隻在場,緊張到發狂,因而咬傷了她。她說:“咬咗有十個窿,傷口唔係好大、但好深。經過呢件事後,我發覺自己真係好愛貓,因為佢咬完我都無嬲,反而攬實隻貓任佢咬,因為怕佢跳出馬路。事後貓的主人都有向我道歉,但其實唔關貓事,係人類的錯,因為隻貓唔知要拍照。”

    Gin透露下月中準備開騷,現正忙於宣傳新歌,仍未計劃如何慶祝聖誕。談到環球唱片沒有安排歌手出席新城勁爆頒獎禮記招,她表示要等公司安排,不太清楚頒獎禮當日會否出席。



網站主頁  |   人才求職  |   企業招聘  |   培訓頻道  |   新聞中心  |   Talk853.com  |   Bid853.com  |   關於我們  |   聯繫我們
鄭重聲明 :本網只提供公司和求職者之間一個網絡交流平臺,不涉及任何公司與求職者之間的勞務關係.
未經澳門人才網同意,不得轉載澳門人才網之所有招聘及相關信息
Copyright© 2005-2024  澳門人才網(www.Job853.com). All rights reserved.    法律顧問:麥興業大律師樓
Powered by 澳門長江網絡有限公司(互聯網服務牌照01/2007)