胡鴻鈞開騷蔡思貝監場
胡鴻鈞(Hubert)兩場九展演唱會前晚圓滿結束，一連兩晚都由炎明熹(Gigi)擔任表演嘉賓，緋聞女友蔡思貝亦一連兩晚現身捧場，首場更是帶同父母捧場、與Hubert的父母來個雙方家長見面。
前晚尾場獲不少好友捧場，計有Hubert的父母、一班《聲夢》學員，以及何麗全、樂易玲及大批圈中藝人夫婦等，蔡思貝在Hubert騷肌表演前趕到，頭戴Cap帽、在漆黑中低調入場，可惜仍被發現，令她愕然反問：“咁都認得？”
未知是蔡思貝坐正台下，還是Gigi手汗太多，Hubert講到明唔敢有身體接觸。當合唱期間想拖Gigi到台中時，Hubert唔拖Gigi的手、只拖她手上的咪，他又說：“我同你要隔住啲嘢，唔可以觸碰你任何地方。”
Gigi笑言為Hubert獻出兩個第一次，分別是第一次跟男歌手合唱、第一次做演唱會嘉賓。Hubert就鬼馬地說：“Gigi的第一次畀咗我！”又笑問Gigi跟Double年紀的歌手合作有何感受？Gigi表示好開心，又讚他是暖男，當場冧到Hubert陰陰嘴笑。