陳法拉首踏康城紅地氈
第七十五屆康城影展近日正在法國舉行，法國導演阿薩耶(Olivier Assayas)新片《女飛俠再現江湖》前日在康城舉行首映禮，有份參演的陳法拉隨同劇組現身。
首次踏足康城紅地氈的法拉，以露肩晚裝配過千萬鑽飾示人。法拉表示：“第一次在康城行紅地毯，當然開心啦，仲可以同劇集演員再次碰面，係好難得的機會。加上老公本身係法國人，可以陪我一齊到康城出席今次盛會，所以我哋都好開心。”
法拉透露參演這部劇集有不少難忘經歷：“係我從演以來首次一人分飾兩角，很享受這個挑戰性演出。分別係三十年代及現代，一個戲外角色、一個戲內角色，所以演出時要花更多時間調整角色及演員狀態，好期待在首映中連續播出三集。”
被指有位法國丈夫，法文水平應該進步神速，法拉卻說：“錯啦，我的法文太差、水準太低，同老公都溝通唔到。今次到康城亦發現自己學咗兩年的法文，依然用唔到，可能未夠信心同有啲怕醜，唔敢開口講。”