蓋鳴暉重演經典戲寶
粵劇名伶蓋鳴暉(Joyce)日前接受香港“開電視”主播馬梓軒專訪，談及由她主演的經典戲寶即將重演，Joyce感慨良多：“自從二○一一年開始，同李居明大師合作，我好慶幸能夠重演該戲，今次已經係第十一度演出。我當然好興奮而且好開心！我哋班底已經合作好多年，大家默契相當好，希望再次演出時能夠更加昇華，感情演繹方面更加細膩，扣人心弦！”
提到這部經典戲寶早年揚威日本，Joyce亦充滿回憶：“當時好開心亦好難忘，因為從未試過有香港粵劇團去到日本演出。當時劇團做了好多功課，做晒日文同英文字幕，希望觀眾可以睇得更投入！我好欣賞日本人的友善、有禮貌，而且尊重舞台藝術，真係鴉雀無聲咁樣睇晒成場，仲盛裝穿和服出席睇演出，當時令我們好感動！”
Joyce的演出不但贏得觀眾掌聲，更獲李居明盛讚她在劇中的唱腔已超越很多前輩，甚至創造了“蓋腔”。Joyce笑言：“唔敢當！因為我入行多年，選擇行文場戲路線，又將拍電視劇經驗放到舞台上。因為舞台上的我真係硬橋硬馬，或者好誇張咁樣講對白，我就將兩者融合到一齊，好似落咗柔順劑咁樣，所以參與呢部作品令我學到好多嘢！”