陶大宇：志偉撮合回巢拍劇
昨日，陶大宇出席葉泓聲與陳樂榣咖啡店開張儀式，今年留港過年的陶大宇說因內地很重視農曆新年，所有商演均會暫停，故會休息至三月才復工。最近他亦正為商演洽談中，透露有機會在港拍劇。是否返TVB拍劇？他說：“唔講住，因為仲傾緊，唔成事會好瘀！”陶大宇日前在社交網上貼出一張與鄧萃雯、吳啟華和歐陽震華合照，他指這次飯聚要多謝TVB總經理曾志偉安排，皆因他做台慶頒獎禮嘉賓當晚雖然有慶功派對，但就不齊人。
他說：“志偉好有心再安排另一個飯局，嗰日有黃日華、三哥三嫂（苗僑偉夫婦）、歐陽震華夫婦同黃宗澤，呢啲腳唔係佢（曾志偉）安排都真係冇可能。”他指飯局上曾志偉有提議大家一起拍劇：“有啲話好，有啲就唔出聲，黃日華就話‘唔好搞我＇，不過幻想吓呢個組合都開心！”陶大宇指當晚氣氛很好，自己喝了很多酒，更大爆曾志偉是第一個飲醉的人。他大讚對方體能好厲害，日理萬機之餘亦要照顧到那麼多範疇：“佢體能仲支持到，第二日又要返工開會，不過佢真係好有心！”